祥嫂(洪金梅)日前肺癌病逝,今日大約接近11時,祥嫂仔女鄧小艾及鄧兆榮身穿黑色素服齊齊去揀靈堂花及棺木。問到可會完成媽媽心願安葬永祥苑花園中的一棵荔枝樹下?小艾話:「呢啲遲啲先講。(點解呢兩日唔見兆尊?)各有各做。」而兆榮就接話稍後會會合兆尊。
鄧小艾及鄧兆榮(圖片來源:東星娛樂)
喪禮採用西方儀式
二人到銅鑼灣與兆尊會合,鄧兆尊身穿黑白Tee微笑現身,其後小艾更落車一同受訪,小艾再次表示今日主要揀棺木及靈堂花,兆尊亦指喪禮會按照媽媽意願採用西方儀式,至於媽媽的安葬地,小艾謂之後會公開宣布:「大前題搞好媽咪嘅事先,同埋你哋叫番我做『翠玉』(本名)。」
兆尊與小艾(圖片來源:東星娛樂)
祥嫂歲數成疑
問到兆尊為何報道中寫媽媽歲數為73歲,但訃聞中的歲數為78歲?他更正媽媽的歲數為74歲:「78歲係佢哋唔知點計。」最後三人直入花店揀選靈堂花。兆尊透露揀選了祥嫂生前喜愛的花,主要以白色為主。問到可會安排祥嫂和祥哥合葬?兆尊說:「我諗唔係咁容易,又要起、又要鑿爛嚿雲石。(如果做到有呢個意思?)我諗唔係易事。」
祥嫂和祥哥(圖片來源:東星娛樂)
兆尊3位女友,兆尊左及上排中間兩位(網上圖片)
再問到祥嫂是否叫兆尊不要結婚?他說:「唔係正式講,講下笑啫。」問到祥嫂是否對三位女友都不太滿意才叫不要結婚?小艾聞言即就:「唔好講呢啲,主要都係講番媽咪嘅後事,大家正面啲啦,爸爸又走咗,得番媽咪一個,想做得好好睇睇。」
(圖片來源:東星娛樂)
祥嫂未了心願
接着座架駛至北角香港殯儀館揀棺木,三人落車時拒絕再受訪。約10分鐘後離開時,兆尊與小艾再次受訪,問到祥嫂有甚麼心願未了?兆尊謂祥嫂想出院同仔女食嘢,而小艾就謂:「大家打算一齊去玩,媽咪好珍惜同我哋相處時間。」
子女寄語珍惜家人
至於講到有關祥嫂15億遺產傳聞,兆尊說:「我冇睇,傳聞嘅嘢問番傳嗰個人。」問到他跟祥嫂於最後階段的相處點滴?兆尊坦言沒甚麼:「依家社會有啲扭曲,希望大家對屋企人好啲,始終都係媽咪。」小艾則表示要珍惜家人、好好相處:「今日基本上要做嘅嘢都做晒,呢兩日都冇乜特別,大家唔好咁辛苦。」然後跟兆尊直去跑馬地馬會會所用膳。
兆尊強調這麼多年來,其實他對母親是無怨無恨:「她始終係10月懷胎生我哋出嚟,上一輩嘅事,我哋做後輩嘅不應該去評價,而且人都不在啦!仲有乜嘢恩怨呢!」
{{hket:inline-image name="TUNGSTAR5904930.jpg"}}{{/hket:inline-image}}
(圖片來源:東星娛樂)